mumbee kee saibar kraim sel ne soshal meediya par ashleel praink video banaane aur use upload karane ke aarop mein shanivaar ko teen logon ko arest kiya. ye paise ka laalach dekar ladakiyon ko apane jaal mein phansaate the aur unake saath ashleel praink video banaate the. mumbee saibar sel ne aise hee 17 youtube channel ko blok karane ke lie youtube aur facebook ko likha hai. pulis ne aaropiyon ke paas se kaee phon aur kaimara upakaran bhee baraamad kie hain.
polis ne yah kaarravaee yoonaited stoodent esosieshan ke stet janaral sekretaree, phaijal shekh kee kamplent par kee hai. shekh ka aarop hai ki ladakiyon ke saath video ko banaate samay unhen galat tareeke se chhua jaata tha aur ashleel bhaasha ka istemaal kiya jaata tha. joint kamishnar kraim braanch milind bhaaraambe ne bataaya ki ye praink video mumbee ke alag-alag ilaakon mein banaaya gaya hai. giraphtaar aaropiyon kee pahachaan 1- mukesh gupta (29), 2- prins raajoo (23) aur 3- jitendr gupta (25) ke roop mein huee hai.
abhee aur logon kee hogee giraphtaaree
jaanch mein yah bhee saamane aaya hai ki kuchh video ladakiyon ka kansent lie bagair banae gae hain. milind bhaaraambe ne apeel kee hai ki paise ke lie aise video banaane ka maamala agar pairents ko pata chalata hai to use roke aur agar koee maamala saamane aaya hai to use saibar pulis ko batae. unaka kahana hai ki is maamale mein abhee aur aaropiyon ko pakade jaana hai.
8veen ke bachchon ko tyooshan deta hai mukhy aaropee
milind bhaaraambe ne bataaya ki giraphtaar hua mukhy aaropee mukesh gupta, 8veen ke bachchon ko tyooshan bhee deta tha. ye praink video baandra, goraee beech, aaksa beech jaise jagahon par banaaya jaata hai. joint kamishnar ne bataaya ki kuchh phesabuk pej ko bhee band karane ke lie bhee hamane letar diya hai.
4 maheene mein aise video se kamae 2 karod rupe
kaichee kantent hone kee vajah se inhonne kaee laakh pholovar facebook aur youtube par jod lie the. video se aaropee sirph chaar maheene mein 2 karod se jyaada rupe kam chuke the. milind bhaaraambe ne bataaya ki jaanch mein ye bhee pata chala hai ki kuchh ladakiyaan poket manee ke lie aise video banaane ke lie taiyaar ho gaee theen, ham apeel karenge ki aisee video na banaen.
kuchh naabaalig bachchiyon ko bhee isamen shaamil kiya gaya
mukesh gupta ne tyooshan mein padhane vaalee ladakiyon ko bhee is video mein shaamil kiya hai jo mainar hain. kuchh mainar ladake bhee hain. is maamale mein aaropiyon ke khilaaph pokso ekt, it ekt aur ipch ke tahat maamala darj kiya hai.